Eebbe caabuda

1. 
   
   Gabaygan waxan tiriyey bilawgii  sanadii 2010kii , waa is xasuusin, waano iyo wax sheeg , waxan tiriey ka dib markii C/laahi Cawil Siciid oo aani ilma abti nahay igalasoo hadlay magaalada Qardho anoo jooga Bossaso iguna yiri: "Maanta maxaad ka haysaa gabayadaadii kuwii wax sheega iyo wacdiga ahaa, meel ayaan barnaamij ku leeyahay maxaad iisii dhiibaysaa" marka ayaan kan u tiriyey.
   
   
   Markii uu arrimay Eebbahay aadan inu uumo
   Ee uu addunka uga dhigo ehel ku maamuusan
   Arrin buu u diray iyo inuu Eebbe caabudo e
   Irsiq kama dalbayn iyo inuu oon ku caawiyo e
   Isagaa awoodaa lehoo uuma kuu rabo
   Isagaa arliga kala wadoo cidu itaal roone
   Isagaa adduunkoo dhamiba ka arrin qaataaye
   
   Adoomuhu markey caasiyeen amarki uu siiyey
   Axdigiina ay kaga bexeen Aadan laga qaaday
   Erga badan ayuu soo dirsaday oo amarka gaarsiiya
   Isxaaq iyo Ayuub iyo Idriis ama Ismaaciilba
   Ibraahiim durriyadiisi iyo kuwuu Eebbe wada doortay
   Ambiyada midkii lagu khatimay ee aakhir laga yeelay
   dhamaan uumiyaha waxay amreen Eebbe caabuda e
   
   Intaasoo farriiniyo adoo aayad lagu siiyey
   Inaad dhega adaygtood canaad amar ku taaglayso
   Waa aafa weynoo adey iimo kuu tahaye
   
   Nin kufriga ilaah aaminoo diidey amarkiisa
   Arkaantii islaankiyo ninkii jebiyey aayaadka
   ee aan ehel salaadeed ahayn miigey aakhiro e
   Afka jahannamiyo saqara aamin waw noqone
   Sujuuduu adduunkii anfiyey iilo ways orane
   Adhaxdiyo lafaha dhabarku markaa waa ankirayaane
   Ayaamuhuu adduunkii dayacay aahey waw orane
   
    Intaasoo ummuuriyo dhibaba wa is arkaayaane
   Ashqaraarana waw dhimanaya klii u fiirsada e
   Inta aadan ehelkiisa noqon ka ififaalayso