Toobad keen

Waxan gabaya soo tebiyo aan toban gu' heesaaba

Tiiraanyo waxan soo diraad taahay maqashaanba

Tusaalayn hadaad igu ogayd amase toos toosin

War waa toobad keen waxan rabaa inan tilmaamaamaaye

Oo waa eebbe tuug oo midani waa tu waajiba e

Eebbow adaa taam ah oo taliya oo wayne

Eebbow adaa tabar leh oo taa anaa hubae

Adigaa wax noo tari karaan toobad kuu celine

Eebbow na tabantaabi oo talada noo suubi

Eebbow markaan kala tagnee tacasub aan keeney

Ee aan iswada tooganee tii san garan wayney

Toltolkiyo qaraabada markaan toobiyaha moodney

Tabaaloonayey waa nakane taa hanagu eegan

Adigaa wax noo tari karaan toobad kuu celine

Eebbow na taban taabi oo talada noo suubi

Eebbow waxay noo tumeen tahan colaadeede

Tafaraaruq baa nagu dhacoo tiicyey garabkiiye

Tawfiiqda adigaa lehoo aan ku tebayaaye

Adigaa wax noo tari karaan toobad kuu celine

Eebbow nataban taabi oo talada noo suubi

Eebbow tubseeg baa naheley koox takfiiriyahe

Eebbow tacliin garan mayaan waqay tasoobaane

Eebbow tog bey nagu rideen naguna tuureene

Adigaa wax noo tari karaan toobad kuu celine

Tir tir Eebahayow kuwaa tala ha waayeene

Eebbow na taban taabi oo talada noo suubi

Eebbow tacadigaan geysaniyo toobad li i’deena

Eebbow tubtaan dhinac marniyo tala xumaanteena

Eebbow hanoo tirin adaan tuugmo kuu nahaye

Adigaa wax noo tari karaan toobad kuu celine

Eebbow natabantaabi oo talada noo suubi

Eebbow intii toosan een wax kala teedin

Intii nabad ku taamaysa  ee tabarna aan haynin

Intii dawladnimo taam ah iyo talasan doonaysa

Tabantaabi Eebbow adaan tuugmo kuu nahaye