Anigiyo
geddaydii
Gurdan caawa
ii baxay
Goolaaftan
maansa ah
Ila garan
gareeyoo
Bal durbaan
garaaciyo
Jaandheerta
gawliyo
Guuxada inoo
dhiga
Gobannimo
maxay tahay?
Maxaad wali
ka gurateen?
Gartu see u
taalaa?
Galabtadan maxaa
dhiman?
Aan wada
gorfaynoo
Gaar gaar u
eegnee
Guul wade
bal soo durug
Gacantaada
ii dhiib
Guud ahaan
dadkaygii
Farriintaad
bal gaarsii
Gacallow la
orodoo
Giddi waxad
su’aashaa
Waagii
gumaysiga
Gardarraysigii
uu
Saancaduu na
gaasiray
Gobannima u
dirirkii
Immisaa
gadoodoo
Go’a wigif ka siiyoo
Golxo iyo
mariid iyo
Waran gaada
leefiyo
Wuxu guuya
heli kariyo
Heensaystay
geenyada?
Immisuu
gumaystuhu
Kuman gaas
ku kiciyoo
Geeloodi
dhacayoo
Gurigii ka
qaadoo
Iyagoo gawaan
yaal
Garka
dhiigga loo daray?
Immisaa la
gooboo
Harka galay
la gurayoo
Garba duubna
loo xiroo
Xabsi lagu
gureeyoo
Gaalshire ku
waaroo
Go’ay oon
dib loo arag?
Arrintani
gun dheeroo
Gocashadu
xanuunlee
Waxan geylan
dirirnee
Kolba gaasas
bixinnaba
Lixdankii
gugiisii
Hadaan gibil
u waabnee
Geddi wada
maqsuudnee
Calankeena
gaarka ahee
Shanta gees
ku taalana
Goobtii ka
taagnee
Geeraar
u tirinee
Gacmahays
qabsada iyo
Aan goobno
kii maqan
Taladii ku
gaw tiri
Maxay
galabta joogtaa?
Guushii ma
hanateen?
Ma guddeen
abaalkii?
Maandeeq ma gurantahay?
Mise waa ka
giigtaan
Gaawaha
habeenkii?
Mays wada
gargaarnoo
Gacal iyo
xigaalaba
Gees qura ma
joognaa?
Goos gooska
sheekada
Guled waxad
u sheegtaa
Intaan
dirirtu go’inee
Geesiga
baxaayee
Gablamayso
hooyadu
Inta oori
gii’loo
Ilma gabax
ka siinoo
Gambo iyo
asay xiran
Dhasha
gacanta haysee
Gucle orod
ku joogtee
Gar
gaar raadis ay tahay
Inta inan
gashaantiyi
Gurigii ka
maqantee
Cidla
garabsaneysee
Goodkiyo
libaaxiyo
Galowyadu ku
ciyayaan
Amey goob shisheeyiyo
Geyi kale ku
nooshoo
Gacalkii ka maqantahay
Intaan
geeddi nahayee
Gaajaysanahayee
Gabooyuhu na
maranyeheen
Wax
gabraarsaneyneen
Garab rarata
aan nahay
Guushii
waxbaa dhiman
Gobannimo ma
taam noqon
Gacalkiina
muu degin
Anna gabayga
maan deyn.
Ahmed Saed Mohamud - 26,June,2014
No comments:
Post a Comment