SALSAL

1. Samsameey Samiiraay hablaha waad u sidataaye

2. Soomaali oo idil adaan kaa suntanayaaye

3. Adigaan Siraadey tixdaan saaka kuu tirine

4. A daan kuu sidaa ereyo aan gaar u saanyadaye

5. Sifahaaga guud iyo Ardaay sida laguu uumay

6. Gaatan socodka laafyaha markaad sara u qaadayso

7. Sida rarey tankii sida markaad socodka miisaanto

8. Sahal kaaga hari waa ninkii saxu arkaayaaye

9.  Anna waad i saaqdoo dhammooy waad i sidataaye

10. Sombobkiyo waxaad igaga taal saabka feerah e

11. Saqda Dhexe habeenkii adaan kula socdaaalaaye

12. Salsalkii jacayl baa i helay  sixana ii diidye

13. Suuradaada goortaan arkaan sebenna jiifaaye

14. Sawtkaaga goortaan maqlaan wada siyoobaaye

15. Sumba lama ammaanee dhabeel suubban baad tahaye

16. Allow sawjad yaa kaa dhigtoo soorta kula quuta

17. Garabkaaga yaa seexda oo subax kasoo toosa

18. Sebigaad dhashaa aabbe dheha saacad iyo leylba